වර්ෂ 2020 සමෘද්ධි ප්‍රතිලාභීන් සවිබල ගැන්වීමේ වැඩසටහන
සොරණාතොට ප්‍රාදේශීය ලේකම් කොට්ඨාසයේ සමෘද්ධි බැංකු සංගම් 02කි. මෙම කොට්ඨාශයේ සමෘද්ධි ප්‍රතිලාභ ලබන පවුල් ඒකක 2492 පමණ තිබේ. ඉන් ප්‍රතිලාභීන් 10% ක් සවිබල ගැන්වීමට නියමිතය.
මෙහි පවතින සමාජ පරිසරය හා ආර්ථික වටපිටාව අනුව කර්මාන්ත සංවර්ධන හා අලෙවි සංවර්ධන වැඩසටහන අනුව පහත දැක්වෙන ව්‍යාපෘති ක්‍රියාත්මක කිරීම සඳහා සැලසුම් කර ඇත.
අලෙවි සංවර්ධන වැඩසටහන් යටතේ ව්‍යාපෘති 04ක් ක්‍රියාත්මක කිරීමට සැලසුම් කර ඇති අතර, ඒ සඳහා රු.200,000.00 ක මුදලක් වැය කිරීමට අපේක්ෂා කෙරේ. සමෘද්ධි ජීවනෝපාය කුඩා හා මධ්‍ය පරිමාන සංවර්ධන ව්‍යාපෘති 25ක් පමණ කෘෂි, සත්ව පාලන,අලෙවි හා කර්මාන්ත යටතේ ක්‍රියාත්මක කිරීමට අපේක්ෂා කරන අතර ඒ සඳහා වැය කිරීමට අපේක්ෂිත මුදල රු. 1125000.00 කි.
2020 සමෘද්ධි සමාජ සංවර්ධන සැලස්ම ඵලදායි වැඩසටහන් රාශියක් සමඟින් සැකසී ඇත. ඒ යටතේ දිරිය පියස නිවාස වැඩසටහන, සතුටු පවුල් සංවර්ධන වැඩසටහන, අධ්‍යාත්මික සංවර්ධන වැඩසටහන,ළමා සමාජ වැඩසටහන,ජාත්‍යන්තර කාන්තා දින වැඩසටහන,ජාත්‍යන්තර දුම්වැටි විරෝධි වැඩසටහන, ළමා හා වැඩිහිටි දින වැඩසටහන, ජාත්‍යන්තර සාක්ෂරතා දින වැඩසටහන, පාසල් නොයන ළමුන් පාසල් ගත කිරීම යනාදී වැඩසටහන් රාශියක් වේ.
